०४ साउन २०८३, सोमबार
वैशाख १ मा अब तीनवटा नेपाली फिल्म प्रदर्शनमा आउनेछन् ।
‘नाइँ नभन्नू ल ६’ पछि हटेसँगै आउँदो शुक्रवारदेखि ‘जारी’, ‘बिहे पास’ र ‘बुलाकी’ प्रदर्शनको तयारीमा छन् ।
नेपाली बक्स अफिसमा धेरैपछि त्रिपक्षीय प्रतिस्पर्धा हुन लागेको हो ।
यसपछि भने वैशाख १५ मा पनि एकसाथ तीनवटा नेपाली फिल्म प्रदर्शनमा आउने देखिएको छ ।
सनमकुमार बैराग निर्देशित फिल्म ‘कैदीको पत्र’ले वैशाख १५ लाई प्रदर्शन मिति घोषणा गरिसकेको छ ।
सुदर्शन थापा निर्देशित फिल्म ‘प्रसाद २’ले पनि वैशाख १५ लाई प्रदर्शन मिति घोषणा गरेको छ ।
त्यस्तै, उक्त मितिमा ‘नाइँ नभन्नू ल ६’ पनि प्रदर्शनमा आउने देखिएको छ ।
निर्देशन विकासराज आचार्यले फिल्मलाई अब वैशाख १५ मा प्रदर्शनमा ल्याउने सोच बनाएको बताए ।
यो फिल्मले उक्त मिति घोषणा गरे एकैदिन तीनवटा फिल्म प्रदर्शनमा आउनेछन् ।
