२३ असार २०८३, मंगलबार
दिल्लीको शराब घोटालामा मुख्यमन्त्री अरविन्द केजरीवाल समेत मुछिएपछि केन्द्रीय जाँच ब्युरो (सीबीआई) ले आज आइतवार बयान लिँदैछ ।
यसअघि पक्राउ नै परेका दिल्लीका तत्कालीन उपमुख्यमन्त्री मनीष सिसोदिया शराब घोटालाकै कारण पुर्पक्षका लागि थुनामा रहेका छन् ।
शराब घोटालामा जोडिएका व्यवसायीसँग मुख्यमन्त्री केजरीवालले भिडियो कल गरेको तथ्य बाहिरिएपछि सीबीआईले उनीसँग बयान लिन लागेको हो । बयान दिन केजरीवाल बिहान ११ बजे सीबीआई मुख्यालय जाँदैछन् । उनीसँगै पञ्जाबका मुख्यमन्त्री भगवंत मान र केही सांसद पनि सीबीआई कार्यालय जाने भारतीय सञ्चारमाध्यमले जनाएका छन् ।
दिल्ली पुलिसले सीबीआई मुख्याय आपासको सडकमा धारा १४४ लागू गरेको छ । धाराअनुसार ५ जनाभन्दा बढी व्यक्ति भेला हुन पाइँदैन । यसअघि उपमुख्यमन्त्री सिसोदियालाई सीबीआईले गत फेब्रअरीमा शराब घोटालाकै मुद्दामा पक्राउ गरेको थियो ।
