प्राय व्यक्तिले यो सोच्छन् कि फलफूल खाने कुनै खास समय हुँदैन, जतिबेला खाएपनि हुन्छ । यदि तपाईपनि यस्तो सोच्नुहुन्छ भने अब त्यस्तो सोचाई त्यागिदिनुहोस् ।
फलफूल खाने पनि सही र गलत समय हुन्छ । सही समयमा खाँदा मात्रै फलफूलले शरीरमा फाइदा पुर्याउँछ ।
कतिपय व्यक्तिको बानी हुन्छ खानासँगै या खाना खाएलगत्तै फलफूल पनि खाने । तर यस्तो बानी स्वास्थ्यका लागि एकदमै नराम्रो हो । खाना खानुभन्दा आधा घण्टा अगाडि अथवा खाना खाइसकेको आधा घण्टा पछि मात्रै फलफूल खानुहोस् । अन्यथा तपाईलाई पाचन तथा एसिडिटी सम्बन्धी समस्या हुन सक्छ ।
विहानको समयमा फलफूलसको सेवन स्वास्थ्य तथा शरीरका लागि सबैभन्दा बढी फाइदाजनक हुन्छ । तर केही फल यस्ता पनि छन्, जसलाई विहान खाली पेट खानु हानिकारक हुन्छ । अमिला फलहरु जस्तै सुन्तला, मौसमी खालीपेट खाँदा एसिडिटी बढ्न सक्छ ।
यदि तपाई पनि त्यस्तो व्यक्ति हुनुहुन्छ, जो स्वाद बढाउन तथा हेल्दी हुने विश्वासले फललाई दुध तथा दहीसँग खान्छन् । यदि यस्तो गर्नुहुन्छ भने तुरुन्तै यो बानी त्याग्नुहोस् । दुध तथा दहीसँग फलफूल खाँदा स्वास्थ्य सम्बन्धी अनेक समस्या देखा पर्छन् ।
केही फल मिर्गौला, पथ्थरीजस्ता रोगबाट पीडित बिरामीका लागि हानिकारक हुन्छन् । यसकारण चिकित्सकसँग सल्लाह गरेर मात्रै त्यस्ता व्यक्तिलाई फलफूल खुवाउनुहोस् । यदि खरभुजा खाँदै हुनुहुन्छ भने राम्रो हुन्छ कि यसको साथमा अरु फलफूल नखानुहोस् ।
फलफूलको चयन पनि आफ्नो शरीरको अवस्था अनुसार गर्नुहोस् । यदि तपाईलाई चिसो महशुष भइरहेको छ भने केरा, सुन्तला, मौसमी जस्ता फल धेरै नखानुहोस् । तपाईलाई गर्मी भइरहेको छ भने मेवा, आँप जस्ता फलफूलको सेवन कमै गर्नुहोस् ।
