०९ साउन २०८३, शनिबार
इन्डियन प्रिमियर लिग (आईपीएल) क्रिकेटमा राजस्थान रोयल्सलाई १० रनले हराउँदै लखनऊ सुपर जोइन्ट्सले जितेको छ ।
बुधवार राति भएको खेलमा शुरूमा ब्याटिङ गरेको लखनऊले प्रतिस्पर्धीसामु १५५ रनको लक्ष्य राखेको थियो । जवाफी ब्याटिङमा राजस्थानको टीम २० ओभर खेल्दै ६ विकेटमा १४४ रनमै सीमित भयो ।
हारका बाबजुद पनि अंकतालिकाको शीर्ष स्थानमा राजस्थान कायमै छ । लखनऊको खातामा पनि ६ खेलमा ८ अंक भए पनि रन रेटका आधारमा राजस्थान अगाडि छ ।
खेलमा लखनऊका मार्कसु स्टोइनिस ‘म्यान अफ द म्याच’ चुनिए । उनले खेलमा २१ रन बनाए भने २ विकेट लिए ।
राजस्थानका कप्तान सन्जू सेमसनले भने, ‘लक्ष्यको स्कोर धेरै ठूलो थिएन, हामीले जित्नुपर्ने थियो तर लखनऊले बलिङ राम्रो गर्यो ।’ लखनऊका कप्तान केएल राहुलले पनि आफ्नो टीमको बलिङको प्रशंसा गरेका छन् ।
