०५ साउन २०८३, मंगलबार
बलिउड अभिनेत्री जिया खानले आत्महत्या गरेको मुद्दामा अभिनेता सुरज पंचोलीले सीबीआई अदालतबाट शुक्रवार सफाइ पाएका छन् ।
आत्महत्या दुरुत्साहनको मुद्दामा सुरजविरुद्ध प्रमाण फेला नपरेको भन्दै अदालतले सफाइ दिएको हो ।
सन् २०१३ को जुन ३ मा जिया आफ्नो घरमा झुण्डिएको अवस्थामा फेला परेकी थिइन् । मुम्बईको जुहु प्रहरीले सुरजलाई जुन १० मा पक्राउ गरी लगभग एक महिना हिरासतमा राखेको थियो ।
पछि बम्बे उच्च अदालतले उनलाई धरौटीमा रिहा गराइदिएको थियो ।
सुरजले सीबीआई अदालतमा पेश गरेको अन्तिम बयानमा आफूविरुद्धको अनुसन्धान र अभियोगपत्र झूटो रहेको बताएका थिए । वादी राबिया खानको उक्साहटमा अभियोजन पक्षका साक्षीहरूले आफूविरुद्ध बयान दिएको उनको भनाइ थियो ।
सुरजलाई अदालतले दोषी ठहर गर्ने प्रमाण नरहेको भन्दै सफाइ दिएको हो ।
