सप्तरी, २५ पुस -सप्तरीका ९५ वर्षीय बृद्ध सूर्यनारायण मण्डललाई कारागारमा भेटेपछि नयाँ संयोजक बाबुराम भट्टराई आश्चर्यचकित भए ।
उनले मण्डललाई जेल मै राखेको घटानाप्रति दुःख ब्यक्त गर्दै भने,‘यो लोकतन्त्र हो कि के हो ?, म आश्चर्यचकित भएको छु’, संयोजक भट्टराईले भने, ‘कानून बमोजिम कानूनी क्रियाकलाप हुनुपर्छ, अब जेल सुधारको एजेन्डा पनि राष्ट्रिय एजेण्डा हुनुपर्छ ।’ उनले मण्डललाई नेपालको कुन कानून र नैतिकता अन्तर्गत थुनिएको हो भनेर प्रश्नसमेत गरेका छन्, आजको नयाँ पत्रिकाले खबर छापेको छ ।

आफ्ना पार्टीका नेतालाई स्थानीय प्रशासनले द्वन्द्वकालिन मुद्दा लगाएर जेल हालेको भन्दै भेट्न आईतवार बिहान संयोजक डा. भट्टराई राजविराजस्थित सप्तरी कारागार पुगेका थिए ।