राष्ट्रिय स्वतन्त्र पार्टीका सभापति रवि लामिछाने र जनमत पार्टीका अध्यक्ष सिके राउतबीच भेटवार्ता भएको छ । मंगलवार बिहान काठमाडौँमा उनीहरूबीच भेटवार्ता भएको हो । 

रास्वपाले पार्टीले सभापति र अध्यक्षबीच भेटवार्ता भएको भन्दै राजनीतिमा उदाएका नयाँ शक्तिबीच हार्दिक र स्वच्छ प्रतिस्पर्धा आवश्यक भएको जनाएको छ । ‘नयाँ शक्तिहरू बीचको सौहार्दता : नयाँ र केही गरौं भन्दै नेपालको राजनीतिमा उदाएका नयाँ शक्तिहरूबीच हार्दिकता र स्वच्छ प्रतिस्पर्धा आजको आवश्यकता हो’ रास्वपाले सामाजिक सञ्जालमा लेखेको छ, ‘आज राष्ट्रिय स्वतन्त्र पार्टीका सभापति माननीय रवि लामिछाने र जनमत पार्टीका अध्यक्ष माननीय सिके राउतबीच भेटवार्ता भएको छ ।’

लामिछाने र राउतको पार्टीले ४ मंसिरको निर्वाचनमा पहिलोचोटी भाग लिएका हुन् । पहिलो प्रयासमै रास्वपाले २० र जनमतले ६ सिट जितेका थिए । दुवै दल सरकार जनमतका अध्यक्ष सिके रातउले प्रतिस्पर्धाबीच नयाँ दल कसरी अगाडि बढ्ने, नगारिकका सरोकारलाई कसरी सम्बोधन गर्ने भन्ने विषयमा छलफल भएको जानकारी दिए ।

‘हामी दुवै नयाँ आएका दल हौं । अब कसरी अगाडि बढ्ने भन्नेमा छलफल शुरू भएको छ’ राउतले लोकान्तरसँग भने, ‘भेटमा सरकारमा जाँदाका फाइदा र बेफाइदाबारे पनि कुरा भयो । सरकारमा जाँदा नागरिकलाई कसरी डेलिभरी दिन सकिन्छ भन्ने विषयमा पनि हामीबीच संवाद भएको छ ।’