०८ साउन २०८३, शुक्रबार
इरानले पनामाको झण्डा रहेको तेल ट्यांकर बुधवार होर्मुज जलसन्धिमा नियन्त्रणमा लिएको अमेरिकी जलसेनाले जनाएको छ ।
हालैका दिनमा इरानले कब्जा गरेको यो दोस्रो ट्यांकर हो ।
अमेरिकी जलसेनाको फिफ्थ फ्लीटले यस जहाजको नाम निओभी भएको जनाएको छ । इरानको रिभोल्युशनरी गार्डले यसलाई नियन्त्रणमा लिएको उसको भनाइ छ ।
इरानको गतिविधि अन्तर्राष्ट्रिय कानूनविपरीत छ र यसले क्षेत्रीय सुरक्षा तथा स्थिरतालाई भंग गर्छ, फिफ्थ फ्लीटले बयान जारी गरी जनाएको छ ।
गत साता मात्र इरानले शेभ्रोनका लागि कच्चा तेल बोकेको मार्शल आइल्यान्ड्सको झण्डा भएको एक तेल ट्यांकर नियन्त्रणमा लिएको थियो । एड्भान्टेज स्वीट नामक ट्यांकरमा २३ भारतीय र एक रुसी नागरिक थिए ।
