२१ जेठ २०८३, बिहीबार
आगामी असारमा हुने साफ च्याम्पियनसिपमा कुवेतले पनि खेल्ने भएको छ । दक्षिण एसियाली फुटबलको महासंघ (साफ) ले असार ६ देखि १८ सम्म हुने १४ औं संस्करणमा पहिलो पटक कुवेतलाई सहभागिता गराउने निर्णय लिएको हो ।
प्रतियोगिता भारतको बंगलुरुमा आयोजना हुदैँछ । साफ सचिवालयका अनुसार यो पटकको साफ च्याम्पियनसिप खेलमा दक्षिण एसियाका ६ र कुवेतसहित ७ टोलीले सहभागिता जनाउने भएका छन् ।
जसअनुसार आयोजक भारत, नेपाल, माल्दिभ्स, पाकिस्तान, भुटान, बंगलादेश र दक्षिण एसिया बाहिरको कुवेत रहेका छन् ।
फिफाको निलम्बनमा परेका कारण श्रीलंकाले भने भाग लिन पाउँदैन ।
