नक्कली भुटानी शरणार्थी ठगी प्रकरणमा आफ्ना सचिव टोपबहादुर रायमाझी मुछिएको सहितका विषयमा छलफल गर्न एमालेको सचिवालय बैठक जारी रहेको छ ।

बैठकले समसामयिक विषयसहित बिहीवारदेखि बस्ने केन्द्रीय कमिटी बैठकको एजेन्डा तय गर्ने बताइएको छ ।

एमालेमाथि रायमाझीलाई निलम्बन गर्न ठूलो दबाब पार्टीभित्रैबाट परेको छ ।

सचिवालयले सिफारिस गरेर केन्द्रीय कमिटीबाट उनलाई निलम्बन गर्ने तयारी भएको एमाले स्रोत बताउँछ । एमालेले नै लुकाएको आरोपलाई चिर्न र शरणार्थी प्रकरणमा कांग्रेस नेतामाथि अनुसन्धानलाई बलियो बनाउन पनि रायमाझीलाई निलम्बन गर्न दबाब परेको हो ।