नेकपा एमालेको सचिवालय बैठकले केन्द्रीय कमिटी बैठकमा छलफलका लागि १० वटा एजेन्डा तय गरेको छ ।

मंगलवार बसेको सचिवालय बैठकले बिहीवारदेखि शुरु हुने केन्द्रीय कमिटी बैठकमा छलफलका लागि १० वटा एजेन्डा तय गरेको केन्द्रीय प्रचार तथा प्रकाशन विभागका सचिव गगन विष्टले जानकारी दिए । 

उनका अनुसार केन्द्रीय कमिटी बैठकमा राजनीतिक प्रतिवेदन प्रस्तुत हुनेछ । साथै चौथो केन्द्रीय कमिटी बैठक यताका विभिन्न निर्णयहरू अनुमोदन गरिने छ ।

यस्तै, बैठकमा केन्द्रीय आयोगका प्रमुखहरूको प्रतिवेदन प्रस्तुत, मिसन ग्रासरुटको समीक्षा, प्रदेश कमिटीको वार्षिक कार्ययोजना, स्थायी कमिटीको बैठक र वार्षिक कार्ययोजना, कार्य विभाजन, पार्टी प्रवेशीको व्यवस्थापन र समसामयिक विषयमा छलफल हुनेछ ।