काठमाडौं उपत्यका भित्रै परिवार लिएर एक दिन घुम्न निस्कनुपर्ने, विशेष समारोह गर्नुपर्ने, धार्मिक तथा पर्यटकीय गन्तव्य जानुपर्ने छ ? त्यसो हो भने अब सजिलो रेन्टललाई सम्झिन सकिने भएको छ ।

स्वदेश तथा विदेशी नागरिकलाई विनाझन्झट मोबाइल स्क्रोल गरेर चाहेकै सवारी किफायती मूल्यमा भाडामा पाइन्छ । यस्तो सुविधा सजिलो रेन्टलले देशैभर दिन थालेको छ ।

सजिलो रेन्टलले प्रमुख शहरहरूबाट सवारीसाधन भाडामा लिन पाइने सुविधा दिएको छ । एपमार्फत प्रविधिको प्रयोगबाट आधुनिक सुविधा दिइरहेको सजिलो रेन्टलले जानकारी दिएको छ । उपत्यका र उपत्यकाबाट बाहिरिने यात्रुका लागि यस्तो सवारी भाडामा दिइने गरिएको सजिलो रेन्टलका प्रमुख कार्यकारी अधिकृत (सीईओ) दामोदर फुयाल ‘प्रज्वल’ले बताए ।

सजिलो रेन्टलले रातो नम्बर प्लेटका व्यक्तिगत सवारीसाधन, कालो प्लेटका सार्वजनिक सवारीसाधन र हरियो नम्बर प्लेटका पर्यटकीय सवारीसाधनलाई भाडामा दिने प्लेटफर्म दिएको छ । यसको प्लेटफर्म प्रयोग गर्ने यात्रुले न्यूनतम ४ घण्टा सवारीसाधन भाडामा लिनुपर्छ ।

सवारी भाडामा लिएर उपत्यका भित्र विदेशी यात्रुले धार्मिक तथा पर्यटकीय गन्तव्यमा घुम्न जाने गरेका छन भने उपत्यका बाहिरका चितवन, पोखरा, इटहरी, विराटनगर, धनगढी, नेपालगन्जसहितका शहरी गन्तव्यबाट सेवा दिइरहेको छ । यी गन्तव्यबाट यात्रुले सबै प्रकारका गाडीहरू कार, भाडामा लिन सक्ने सुविधा दिइएको छ ।​ 

रेन्टल एपमा आबद्ध भएर सवारी धनीले गाडी भाडा लगाउँदै अतिरिक्त आम्दानी गर्न सक्छन भने यात्रुले पनि आफूलाई चाहिएकै प्रकृतिको गाडी चाहेकै समयका लागि लिन पाउने छन् ।

सवारी धनीले गाडी भाडामा लगाए वापत लिएको रकमको १० प्रतिशत रकम भने सेवा शुल्कको रूपमा रेन्टलले लिने गर्छ । सजिलो रेन्टलले दिइरहेको सेवा बजारमा हाल उपलब्ध सेवा तथा सुविधाको शुल्क सस्तो पर्ने दाबी सजिलो रेन्टलका सीईओ फुयालले बताए ।

सजिलो रेन्टलबाट लिन सकिने यस्तो सवारीको भाडा सम्बन्धित सवारी धनीले तोकेकै शुल्कमा तय भएको हुन्छ । यस्तो शुल्क यात्रु तथा सवारी धनी दुवैले चाहेअनुसार नै हुने भएकोले यसबाट दिइने सेवा सुविधालाई पछिल्लो समय रुचाइएको छ ।

सजिलो रेन्टलका अनुसार अहिलेसम्म करिब १२ सय वटा सवारीसाधन भाडामा लगाउने प्रयोजका लागि आबद्ध भइसकेका छन् । 

सवारीसाधनको प्रकृतिअनुसार भाडा दर भने फरक–फरक छ । यस्तो सवारी भाडामा लिँदा यात्रुले १० प्रतिशत बुकिङ गर्दा, ४० प्रतिशत ट्रिप शुरु गर्नुअघि र बाँकी रकम ट्रिप सकिँदासम्म दिन सकिने सुविधा उपलब्ध गराएको छ । यस्तो सेवा सामान्य कारदेखि ठूला पर्यटकीय सवारी सम्म नै उपलब्ध रहेको रेन्टलले जनाएको छ ।

रेन्टलबाट सेवा लिएका यात्रुको लागि बाटोमा पर्ने असहज अवस्थामा समेत सहजीकरण गर्ने गरेको छ । लामो दूरीको यात्राका लागि सवारीसाधना भाडामा लिएर गएका यात्रुलाई बाटोमा गाडी बिग्रिएको अवस्थामा अर्को गाडी पठाएर सेवा दिने गरिएको सजिलो रेन्टलका सीईओ फुयालले बताए ।

सजिलो एपमा कार पुलकोसमेत सुविधा

सजिलो रेन्टलले यात्रुको सुविधालाई दृष्टिगत गरेर कार पुलको सुविधा पनि ल्याएको छ । यस्तो सुविधा लिँदा सस्तोमा गुणस्तरीय सेवा पाउने छन् । कम्पनीले थप शुल्क नलिइ सवारी धनी तथा यात्रुको सुविधा लागि कारपुलको सुविधा ल्याएको सजिलो रेन्टलका सीईओ फुयालले बताए ।

नेपालको बजारमा पहिलो कार्यक्रम भएको दाबी गर्दै फुयालले भने ‘सजिलो रेन्टलले दिएको यो सुविधा यात्रुले रुचाउँदै जान थालेको देखिएको छ ।’ यस्तो सुविधा पनि जुनसुकै गन्तव्यको लागि हुने छ । जस्तै काठमाडौंबाट पोखरा कुनै सवारी गएको छ त्यो सवारीसाधन फर्कँदा रित्तै फर्कनुपर्ने हुन्छ । तर सजिलो रेन्टलसँग जोडिएर भने उक्त सवारी यात्रु लिएरै फर्कन सक्छ । रित्तै फर्कनुभन्दा कार पुलमार्फत सेवा लिएर यात्रु बोकेर आउन सक्छ । जसले गर्दा सवारीसाधन खाली दौडन परेन भने यात्रुलाई पनि थप सुविधा हुने छ ।

सजिलो रेन्टलले दिने सुविधाका लागि सवारी धनीले चालकविना र चालकसहित आफ्ना गाडी उपलब्ध गराउन सक्छन् । चालक विनाका गाडीको हकमा भने रेन्टलले प्रोफेशनल ड्राइभर राखेर सवारीसाधन चलाउने गर्छ । सजिलो रेन्टलले दिएको सुविधाप्रति यसका प्रयोगकर्ता सन्तुष्ट भएको प्रतिकृया पाइरहेको पनि फुयालले बताए । यात्रुको सेवालाई थप व्यवस्थित र सहजीकरण गर्दै जाने नीति रेन्टलले लिएको छ । सजिलो एपले अब गन्तव्य र सवारी छनोट गर्दा आफैं त्यसको शुल्क तय हुने व्यवस्थासमेत गर्दैछ ।

पछिल्लो समय सजिलो रेन्टलमा स्कूल, कलेज, एनजीओ, आइएनजीओ, साथी सर्कलदेखि घुम्न रुचाउने र धार्मिक गन्तव्यको यात्रा गर्नेले भाडामा सवारी लिइरहेका पनि फुयालले बताए ।