१४ असार २०८३, आइतबार
पाकिस्तानका पूर्व प्रधानमन्त्री इमरान खानले हिरासतमुक्त भएपछि शनिवार देशलाई सम्बोधन गर्ने क्रममा सेनाको कठोर आलोचना गरेका छन् ।
राजनीतिमा आउनका लागि आफ्नै राजनीतिक दल खोल्न उनले सेनालाई सुझाव दिए । सेनाले पाकिस्तान तहरीक-ए-इन्साफ पार्टीलाई दमन गर्न खोजेको उनको भनाइ छ ।
सेनाले चालेको कदमका कारण देश संकटकालीन स्थितिमा आइपुगेको उनको भनाइ छ ।
शुक्रवार धरौटीमा रिहा गरिएपछि इमरान पुनः पक्राउ पर्न सकिने भन्दै इस्लामाबाद उच्च अदालतमा बसिरहे । अनि आइतवार बिहान सबेरै उनी लाहोरमा रहेको आफ्नो घर पुगे ।
आयातित सरकारले आफूमाथि आक्रमण गराउन खोजेको आरोप पनि उनले लगाए ।
सेनाप्रति आक्रोश बर्साएका खानले न्यायालयको चाहिँ प्रशंसा गरेका छन् ।
