२२ जेठ २०८३, शुक्रबार
विवादास्पद फिल्म द केरल स्टोरीकी अभिनेत्री अदा शर्मा दुर्घटनामा परेकी छन् ।
आइतवार करीमनगर नामक स्थानमा हिन्दू एकता यात्रामा सहभागी हुनका लागि फिल्म निर्देशक सुदीप्तो सेनसँग गाडीमा जाँदै गर्दा अदा दुर्घटनामा परेकी हुन् ।
आफू र अन्य सबैजना सुरक्षित रहेको जानकारी अदाले दिएकी छन् । आफ्नो इन्स्टाग्राम र ट्विटर अकाउन्टबाट उनले यो सन्देश दिएकी हुन् ।
यसैबीच अदा शर्माले द केरल स्टोरीका लागि ज्यान मार्ने धम्कीको सामना गर्नुपरेको बताइएको छ । यो फिल्म तथ्यमा आधारित नरहेको र मुस्लिम समुदायविरुद्ध घृणा फैलाउने नियतले बनाइएको आरोप लगाइएको छ ।
पश्चिम बंगाल र तमिलनाडु सरकारले फिल्ममा प्रतिबन्ध समेत लगाएको छ ।
