कात्तिक २५, २०८०
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
त्रिभुवन अन्तर्राष्ट्रिय विमानस्थलबाट १९ किलोग्राम सुन तस्करी भएको विषयको पोल क्लोज सर्किट टीभी (सीसीटीभी) फूटेजले खोलेको पाइएको छ ।
त्रिभुवन अन्तर्राष्ट्रिय विमानस्थलको प्रमुख भन्सार प्रशासक अरुण पोखरेलका अनुसार नायब सुब्बा रेबन्त खड्काले भन्सारको गोदामबाट नै सुन साटफेर गरेको देखिएको हो ।
‘नासु खड्काले सामान परिवर्तन गरेको सीसीटीभी फूटेजले देखाएको छ,’ प्रमुख भन्सार प्रशासक पोखरेलले लोकान्तरसँग भने ।
सीसीटीभी अनुसन्धान गर्दा नासु खड्काले लामो समय लगाएर भन्सारको गोदामभित्र सुन भरिएको भेप (विद्युतीय चुरोट) लाई साटेको देखिएको हो । प्रारम्भिक अनुसन्धानमा उनले झोला र आफ्नो खल्तीमा राखेर सामान साटफेर गरेको देखिएको छ ।
उनले करीब १०–१५ दिन लगाएर सामान साटेको प्रारम्भिक अनुसन्धानमा देखिएको छ ।
भेप बरामद गर्दा पहिले प्रयोग भएको सुटकेश जस्ताको त्यस्तै अवस्थामा रहेको र त्यसभित्रको सामान परिवर्तन भएको देखिएको पोखरेलले बताए ।
‘हामीले आन्तरिक अनुसन्धान गरेका थियौं, त्यसबाट उनले लामो समय लगाएर थोरैथोरै सामान खल्ती र झोलामा राखेर साटफेर गरेको पुष्टि भएको छ,’ उनले लोकान्तरसँग भने, ‘उक्त सामान करीब १५ दिन अगाडि मात्र साटिएको पाइएको छ ।’
७३० थान ‘ई–सिगरेट’ (भेप) नेपाल भित्र्याउने क्रममा २०७९ पुस १० गते शंकास्पद लागेपछि त्रिभुवन विमानस्थलको आगमन कक्षबाट विमानस्थल भन्सारले जफत गरेको थियो ।
त्यसलाई प्रक्रिया पूरा गरेर २०७९ माघ १९ गते त्रिभुवन विमानस्थलको भन्सार गोदाममा ई–सिगरेट भनेर दाखिला गरिएको प्रमुख भन्सार प्रशासक पोखरेलले बताए ।
‘हामीले पुस १० गते जफत गरेको ई–सिगरेट माघ १० गते भन्सारको गोदाममा दाखिला गरेका थियौं,’ उनले भने ।
पोखरेलका अनुसार अन्य सामान भएको भए एउटा प्रक्रिया पूरा गरेपछि लिलामीमा जान्थ्यो तर ई–सिगरेट भएकाले लिलामी प्रक्रियामा लाने वा नलाने भन्ने विषयमा छलफल भइरहेको थियो ।
‘चुरोट तथा सूर्तीजन्य वस्तुहरू सरकारले लिलामी गर्नु हुँदैन भन्ने भएकाले रोकिएको थियो,’ प्रशासक पोखरेलले भने ।
उनका अनुसार त्यही छलफल भइरहँदा सिगरेट छुटाउनलाई एउटा समूह ३–४ पटक आयो । त्यसपछि भन्सार विभागलाई शंकास्पद लागेपछि त्यसको सत्यतथ्य जाँच गर्न थालियो ।
‘फेरि एक्सरे गर्दा पनि केही देखिएन तर मानिसहरू निरन्तर छुटाउन आएपछि त्यसमा केही गडबडी छ भन्ने हिसाबले अनुसन्धान भइरहेको थियो,’ पोखरेलले भने ।
त्यस क्रममा प्रत्येक भेप खोलेर हेर्दा विमानस्थलबाट जफत गरेर ल्याएकोभन्दा गोदाममा भेटिएको सामान फरक पर्यो । विमानस्थलको एक्सरेबाट खिचेर आएको तस्वीर र त्यहाँ भएको भेपको तस्वीर फरक देखिएपछि सामानमा भएको गडबडीको रहस्य बाहिर आएको थियो ।
त्यो अनुसन्धान गर्नका लागि विमानस्थलको भन्सार विभागले सहसचिवको नेतृत्वमा ३ सदस्यीय समिति गठन गरेको थियो, त्यसले नै नासू रेबन्त खड्काले गरेको भन्ने रहस्य खोलेको थियो ।
प्रमुख भन्सार प्रशासक पोखरेलका अनुसार त्यसमा लागूऔषध हुनसक्ने अनुमान गरिएको थियो । अहिले पनि त्यसमा कति परिमाण सुन थियो भन्ने तथ्य बाहिर आएको छैन ।
‘त्यसभित्र के थियो र कति परिमाण थियो भन्ने कुरा हामीकहाँ आइपुगेको छैन,’ पोखरेलले लोकान्तरसँग भने ।
उनका अनुसार आन्तरिक अनुसन्धानबाट नासू रेबन्त दोषी देखिएपछि थप अनुसन्धानका लागि भन्सार विभागले केन्द्रीय अनुसन्धान ब्यूरो (सीआईबी)लाई वैशाख २६ गते पत्र पठाएको थियो । प्रहरीले नासू खड्कासहित ४ जनालाई पक्राउ गरेको छ । पक्राउ परेका अन्यको पहिचान प्रहरीले गोप्य राखेको छ तर उनीहरू सुन व्यापारी भएको स्रोतले लोकान्तरलाई बतायो ।
सीआईबीले विमानस्थल भन्सारले पत्राचार गरेकाले त्यसमा थप अनुसन्धानका लागि नासुसहित अन्यलाई पक्राउ गरेको बताएको छ । ‘यो अहिले अनुसन्धानको क्रममा भएकाले अन्य केही बोल्न मिल्दैन,’ सीआईबीका प्रवक्ता प्रहरी उपरीक्षक (एसपी) संजयसिंह थापाले भने, ‘अहिले ४ जनालाई सीआईबीले पक्राउ गरेको छ ।’
सीआईबीका अनुसार अहिले पनि कति परिणामा सुन थियो । कहिलेदेखि आउँथ्यो भन्ने विषय खुलेको छैन ।
मोरङमा २२ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा ग्रामथान गाउँपालिका १ लखनतरी टावर चोकका १८ वर्षीय किशोर रहेका छन् । उनलाई शुक्रवार दिउँसो पक्राउ गरिएको प्र...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
तत्कालीन प्रहरी नायब महानिरीक्षक (डीआईजी) अशोक सिंहले २०७९ फागुन १० गते जिम्मेवारीबाट राजीनामा दिए । प्रहरी महानिरीक्षक (आईजीपी)को लाइनमा रहेका सिंहको जन्ममितिमा कैफियत देखिएपछि राजीनामा दिनुपरेको थियो ।&...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...