तनहुँमा ३ युवकविरुद्व ज्यान कसूर सम्बन्धी मुद्दा दर्ता

तनहुँमा ३ युवकविरुद्ध ज्यान कसूर सम्बन्धी मुद्दा दर्ता गरिएको छ ।

म्याग्दे गाउँपालिका–६ का २५ वर्षीय प्रेमबहादुर कुमाल र २८ वर्षीय सन्तोष थापा तथा म्याग्दे–३ का २६ वर्षीय शुसन रानाविरुद्व मुद्दा दर्ता गरिएको हो । 

गत आइतवार म्याग्दे गाउँपालिका–६ अकलास्थित म्याग्दे खोलामा साथिहरूसित करेन्ट लगाएर माछा मार्ने क्रममा म्याग्दे–६ का २१ वर्षीय विमल थापाको ज्यान गएको थियो ।

उनको मृत्यु भएपछि उक्त कार्यमा संलग्न तीनै जनाविरुद्व प्रहरीले ज्यान कसूर सम्बन्धी मुद्दा दर्ता गरेको हो । सोही दिन प्रहरीले तीनै युवकलाई पक्राउ गरेको थियो । 

प्रहरी नायब उपरीक्षक मोहनबहादुर खाणका अनुसार पक्राउ गरिएका तीनै जनालाई तनहुँ जिल्ला अदालतमा उपस्थित गराई १० दिनको म्याद थप अनुमति लिई अनुसन्धान अघि बढाइएको छ ।