पूर्व प्रधानमन्त्री डा. बाबुराम भट्टराईले आफूलाई जानकारीसम्म नदिई समाजवादी मोर्चा घोषणा गरिएको गुनासो गरेका छन् ।

मंगलवार सामाजिक सञ्जाल ट्विटरमा लेख्दै डा. भट्टराईले विभिन्न उदाहरण प्रस्तुत गर्दै आफूलाई सिध्याउन खोजिएको बताए ।

उनले लेखेका छन्, ‘पहिलो, नयाँ शक्ति स्थापना हुँदा  निर्वाचन चिह्न नै नदिनु ! दोस्रो, अरूलाई २०% मात्र केन्द्रीय सदस्य र सांसद भए पनि पार्टीको मान्यता दिलाउनु तर हामीसँग ४०% भन्दा बढी केन्द्रीय सदस्य र सांसद हुँदा ऐन नै मुर्छा पारेर पार्टीको मान्यता नदिनु ! तेस्रो, २ वर्षअघिदेखि समाजवादी केन्द्र/मोर्चाको अवधारणा ल्याउने हामीलाई जानकारीसम्म नदिई मोर्चा घोषणा गर्नु ! के यो सबै आकस्मिकता हो ? कृष्णलाई देवकीकै गर्भमा हुँदादेखि सिध्याउन खोज्दा कृष्ण सिद्धिए ? विचार कसैले मार्न खोज्दैमा मर्छ र ?’