कात्तिक २०, २०८०
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
काठमाडाैं | असार ६, २०८०
धनुषाका मस्त इक पहिलोपटक काठमाडौं आउँदै थिए । वैदेशिक रोजगारीमा जाने शिलशिलामा काठमाडौं आएका उनको योजना गौशाला बस्ने थियो । उनलाई भनिएको थियो, ‘गाडीले गौशालामै छोडिदिन्छ ।’ तर, उनको योजनाअनुसार गाडी अघि बढेन । गाडीले सबै यात्रुलाई गोंगबुस्थित नयाँ बसपार्कमा झारिदियो । ‘म धनुषाबाट आएको हो । आउनुपर्ने गौशाला थियो, तर बसले नयाँ बसपार्कमै छोडिदियो,’ गौशालामा भेटिएका उनले भने, ‘के नयाँ नियम बनाएछन् कुन्नि ?’
काठमाडौं महानगरपालिकाले उपत्यकाबाहिर आउजाउ गर्ने सार्वजनिक यातायातका साधन नयाँ बसपार्कबाट मात्रै सञ्चालन हुने नियम बनाएपछि उनलाई बसपार्कमै झारिएको हो । असार १ गतेबाट लागू भएको नयाँ नियमअनुसार उपत्यकाबाहिर चल्ने सवारी साधन बसपार्कबाट मात्रै छुट्छन् र आएर त्यहीँ रोकिन्छन् ।
नयाँ नियमले खर्च बढेको उनले गुनासो गरे । ‘धनुषाबाट काठमाडौं आउँदा ८ सय भाडा लाग्यो,’ उनले भने, ‘गोंगबुबाट गौशाला ट्याक्सीमा आउँदा पाँच सय तिर्नुपर्यो, सिधै गौशाला झर्न पाएको भए मेरो पाँच सय जोगिन्थ्यो ।’
धनुषाको ढल्केबरबाट आएका दुगार महतोले पनि नयाँ नियमले झन्झटसँगै खर्च थपेको गुनासो गरे । कोटेश्वर बस्ने उनले ढल्केबर जान बसपार्क पुगेर पुनः कोटेश्वर हुँदै जाने व्यवस्था झञ्झटिलो भएको बताए ।
‘कोटेश्वरबाट सिधै बनेपा हुँदै ढल्केबर पुगिन्छ,’ उनले भने, ‘गाउँ जान कोटेश्वरबाट बसपार्क पुगेर फेरि कोटेश्वर हुँदै जानुपर्छ, यो व्यवहारिक छैन ।’
मस्त इक र दुगार महतो मात्रै होइन, महानगरले लागू गरेको नयाँ नियमप्रति उपत्यकाबाहिर आउजाउ गर्ने धेरै यात्रु सन्तुष्ट छैनन् । नयाँ नियमले अनावश्यक दु:ख र खर्च थपिएको उनीहरूको गुनासो छ ।
महानगरको नयाँ निर्णयसँगै बस व्यवसायीहरू पनि सन्तुष्ट छैनन् । महानगरले हचुवाको भरमा नयाँ नियम ल्याइएको उनीहरू बताउँछन् ।
गौशालामा ओम साइराम यातायातको टिकट काउन्टर सञ्चालन गर्ने रविन कार्कीले महानगरले हचुवाको भरमा नयाँ नियम ल्याएको बताए ।
‘हचुवाको भरमा गरिएको निर्णयका कारण व्यवसायीलाई दुःख भएको छ,’ उनले भने, एउटा व्यापारीलाई पोस्न धेरैको रोजीरोटी गुम्ने खतरा छ । बसपार्कका र यातायात महासंघका केही बिचौलियाको फाइदाका लागि महानगरले यो निर्णय गरेको हो ।’
महानगरले सरोकारवाला र सेवाग्राहीसँग समन्वय गरेपछि मात्र नयाँ निर्णय गर्नुपर्ने उनको भनाइ छ ।
‘कोटेश्वर, भक्तपुर, थानकोटको मान्छे टिकट काट्नदेखि बस चढ्न र झर्न पनि बसपार्क जानुपर्दा उनीहरूले सास्ती खेप्नु परेको छ,’ उनले भने, ‘यात्रुको खर्च पनि बढेको छ ।’
नयाँ नियमले बसपार्क सञ्चालनको जिम्मा पाएको ल्होत्से बहुउद्देश्यीय प्रालिलाई मात्रै फाइदा हुने कतिपयको तर्क छ ।
यसअघि धादिङ, नुवाकोट, रसुवा, गोरखाजस्ता क्षेत्रमा जाने बस बालाजु क्षेत्रबाटै सञ्चालन हुने गरेका थिए भने दोलखा, रामेछाप, सिन्धुपाल्चोकलगायत भेगका बसहरू कोटेश्वरबाट चल्ने गरेका थिए ।
यस्तै कलंकी, चाबहिल, बल्खु, स्वयम्भुलगायतका स्थानबाट पनि देशका विभिन्न स्थानमा जाने बसहरू छुट्ने गरेका थिए । अब उनीहरू सबैलाई बसपार्क आउनुपर्ने भएको छ ।
कोटेश्वर, बानेश्वर, चाबहिल, गौशाला ओर्लिने मान्छे ओर्लिन बसपार्क नै पुगिदिनुपर्ने व्यवस्था व्यावहारिक नभएको यात्रुको गुनासो छ ।
कतिपयले भने चोकमा हुने तानातान रोकिने तथा काउन्टरमा अतिरिक्त पैसा बुझाउनुनपर्ने भन्दै निर्णयप्रति सन्तुष्टि पनि जनाएका छन् ।
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...