२६ जेठ २०८३, मंगलबार
गुण्डा नाइके दावा लामाका सहयोगी विरेन कुँवरसहित ४ जना ठगी गरेको आरोपमा पक्राउ परेका छन् ।
काठमाडौं प्रहरी परिसरका प्रमुख एसएसपी दानबहादुर कार्कीका अनुसार कुँवरलाई आज (बुधवार) जिल्ला प्रहरी कार्यालय रामेछापको सहयोगमा पक्राउ गरिएको हो ।स्रोतका अनुसार कुँवर गुण्डा नाइके दावा लामाका सहयोगी हुन् ।
ठगी गरेको आरोपमा प्रहरीले निर्मल कुश्वार (माझी) उर्फ जोया, अमितकुमार प्याकुरेल र जगदिश राणालाई पनि पक्राउ गरेको छ । कुश्वार, प्याकुरेल र राणा भने काठमाडौंबाट पक्राउ परेका हुन् ।
उनीहरू चारै जनाविरुद्ध यही असार ४ गते काठमाडौं प्रहरी परिसरमा जाहेरी परेको थियो ।
पोर्चुगलको कृषि फार्ममा काम लगाइदिने भन्दै उनीहरूले प्रति व्यक्ति १२ लाख रुपैयाँका दरले ५० लाख २५ हजार रुपैयाँ ठगी गरेको जाहेरीमा उल्लेख छ । मुक्तिनाथ विकास बैंकमा अमित प्याकुरेलको नाममा रहेको बैंक खातामा १२ पटक पैसा पठाएको जाहेरीमा उल्लेख गरिएको छ ।
