२४ जेठ २०८३, आइतबार
आईसीसी एकदिवसीय विश्वकप छनोटअन्तर्गत वेस्ट इन्डिजविरुद्ध ३४० रनको विशाल लक्ष्य पछ्याएको नेपालले सस्तैमा २ विकेट गुमाएको छ ।
४ ओभर २ बलमा २३ रनको स्थितिमा नेपालले २ विकेट गुमाएको हो । कुशल भुर्तेल ५ र भीम सार्की २ रन जोडेर आउट भए ।
हरारे स्पोर्ट्स क्लब जिम्बाब्वेमा यसअघि टस हारेर पहिले ब्याटिङ गरेको वेस्ट इन्डिजले ७ विकेटको क्षतिमा ३३९ रन जोडेको थियो ।
बलिङमा आक्रामक शुरूआत गरेको नेपालले त्यसलाई निरन्तरता दिन नसक्दा विशाल लक्ष्य पाएको हो ।
५३ रनमा ३ विकेट गुमाएको वेस्ट इन्डिजलाई शाइ होप र निकोलश पुरनले शतकीय योगदान गर्दै विशाल स्कोरमा पुर्याएका थिए ।
कप्तान होप १३२ र पूरन ११५ रन बनाएर आउट भए ।
नेपालका लागि ललित राजवंशीले ३ तथा करण केसी, गुल्सन झा, सन्दीप लामिछाने र दीपेन्द्र सिंह ऐरीले १-१ विकेट लिए ।
प्रतियोगितामा नेपालले तेस्रो खेल खेलिरहेको हो । वेस्टइन्डिजले भने यसअगाडि एक खेल मात्र खेलेको छ।
नेपाल एक हार र एक जीतसहित समूहको तेस्रो र एक जीतसहित वेस्टइन्डिज दोस्रो स्थानमा छन् ।
नेपाल र वेस्टइन्डिज पहिलोपटक आमनेसामने हुन लागेका हुन् ।
