२८ असार २०८३, आइतबार
भारतको ओडिशा रेल दुर्घटनामा परी मृत्यु भएका ५२ जनाको शवको अझै पहिचान हुन सकैको छनै । भारतमा करिब एक महिना पहिले जुन २ मा भएको रेल दुर्घटनामा परी मृत्यु भएकाहरूको पहिचान नहुँदै चाँडै अन्त्येष्टि गरिने एक वरिष्ठ सरकारी अधिकारीले शुक्रवार बताएका छन् ।
पूर्वी राज्य ओडिशामा दुई यात्रुबाहक रेल र एउटा मालबाहक रेल एकआपसमा ठोक्किँदा करिब ३०० जनाको मृत्यु भएको थियो ।
अधिकांश मृतकहरूको पहिचान गर्न नसकिने गरी क्षतिग्रस्त भएका थिए र उनीहरूको डीएनए नमूनाहरू पहिचानको लागि पठाइएको थियो । कुल ८१ शवमध्ये २९ वटाको मात्र डीएनए नमूना मिलान गर्न सकिएको छ ।
ओडिशाराज्यको राजधानी भुवनेश्वरको एक अस्पतालमा करिब २८ दिनदेखि शव राखिएको छ ।
भुवनेश्वर महानगरपालिकाका मेयर सुलोचना दासले शुक्रवार पत्रकारहरूसँग कुरा गर्दै भनिन्, “धेरै दावेदारहरू थिए त्यसैले शव दिन सकिएन । उनले थपिन्, “नमूना दिल्ली पठाइएको थियो र २९ जनाको मात्र नमूना पुष्टि भएको छ ।
“पाँच परिवार शव लिन आएका छन् तर नमूना पुष्टि हुन सकेको छैन,”’ उनको भनाइ उद्धृत गर्दै भारतीय समाचार संस्था एएनआईले जनाएको छ ।
“सरकारी आदेशअनुसार निर्वाध रहेका शवलाई मात्र दाहसंस्कार गर्नुपर्ने र तिनीहलाई सकेसम्म आफ्नो पैतृक क्षेत्रमा स्थानान्तरण गर्नुपर्ने हुन्छ,” नगर प्रमुख दासले भनिन् ।
उनले भनिन्, “दाबी नगरिएका शवको पनि अन्त्येष्टि गरिनेछ । त्यसका लागि हामीले दुईवटा शवदाह गृह तयार पारेका छौं,” उनले भनिन् ।
