१५ असार २०८३, सोमबार
घोराही सिमेन्ट इन्डस्ट्रीले निष्कासन गरेको प्राथमिक शेयर (आईपीओ) पुनः सुचारु हुने भएको छ ।
नेपाल धितोपत्र बोर्डले अनलाइन प्रणाली सी–आस्वामा दर्ता भएका आवेदनमा आवेदकले शेयर कित्ता थपघट गर्न वा आवेदन फिर्ता गर्न सक्ने गरी आईपीओ निष्कासन प्रक्रिया अगाडि बढाउने निर्णय बुधबार गरेको हो ।
बोर्डले आवेदन फिर्ता वा थपघट गर्न निष्कासन तथा बिक्री प्रबन्धकले सूचना प्रकाशित गरेको मितिले तीन दिनको समय दिने भएको छ ।
उक्त समयभित्र कम्पनीको सबै सेयर बिक्री नभएमा थप ७ दिनको समय दिन सकिने गरी घोराहीको आईपीओलाई पुनः सुचारू गरेको धितोपत्र बोर्डले जारी गरेको एक प्रेस विज्ञप्तिमा उल्लेख छ ।
फर्जी आवेदन परेको भन्दै यसअघि घोराही सिमेन्टको आईपीओ बिक्री प्रक्रिया रोकिएको थियो ।
