काठमाडौं २६ भदौ– सरकारले विदेशमा बस्ने नेपाली नेपाली नगारिकका नागरिकता लिइ नसकेका सन्ततीलाई राहदानी दिने निर्णय गरेको छ । राहदानीको समय चार वर्षको रहने सरकारी निर्णय छ ।

प्रधानमन्त्री तथा मन्त्रिपरिषद्को सोमवार सिंहदरवारमा बसेको बैठकले नेपाली नागरिकता नलिएका नेपाली नागरिकका छोराछोरीलाई चार वर्षे राहदानी दिने निर्णय गरेको हो ।

गैर आवासिय नेपाली संघ (एनआरएन)ले आफ्ना सन्ततीका लागि नेपाली नागरिकता दिलाउन माग गर्दै आएका थिए । उनीहरुको मागको आंशिक सम्वोधनगर्दै सरकारले उनीहरुलाई नेपाली राहदानी दिने निर्णय गरेको हो ।