भारतको अग्रणी टाटा मोटर्सले आफ्नो टाटा टियागो (ह्याच ब्याक) मोडलका पाँच लाख वटा गाडी बिक्री गरेको छ । सन् २०१६ मा बिक्री शुरु गरिएको यस गाडीले सात वर्षको अवधिमा यो सफलता हासिल गरेको हो ।

उल्लेखित कुल पाँच लाखमध्येका एक लाख गाडीहरू केवल १५ महिनामा बिक्री भएको थियो । टियागोले ‘नेट प्रोमोटर स्कोरमा’ पनि ५१ अंक हासिल गरेको छ । जुन अन्यको तुलनामा सबैभन्दा उच्च हो । यस्तै टाटा टियागोले विगत केही वर्षहरूमा अटोमोबाइल जगतद्वारा प्रदान गरिने ४० भन्दा बढी पुरस्कारहरू प्राप्त गरेको छ ।

यी उपलब्धिहरूले टियागो आरामदायी, आकर्षक तथा बलियो बनावट, एवं सुरक्षाको दृष्टिकोणले अब्बल भएको कम्पनीको दाबी छ । सन् २०२० को जनवरीमा यस गाडीले सर्वोत्कृष्ट सुरक्षाको लागि ग्लोबल एनसीएपीद्वारा पाँच–तारे गाडीको मान्यता प्राप्त गरेको थियो ।

नेपाली बजारमा पनि टाटा टियागोको बजार तीव्र ढंगले वृद्धि भएको पाइएको छ । 

नेपालमा हाल उपलब्ध ह्याच ब्याक मध्ये सुरक्षित तथा बलियो गाडीमा पर्ने टाटा टियागो सर्वाधिक बिक्री हुने गाडीमा पर्न सफल भएको छ । विशेषतः भविष्यमुखी सोच बोकेर जीवनमा लगन र उत्साहका अघि बढिरहेका युवावर्गको (औसत उमेर ३५ वर्ष) पहिलो रोजाइमा परेको छ ।

टाटा मोटर्सको नेपालस्थित आधिकारिक बिक्रेता सिप्रदी ट्रेडिङकाअनुसार यो वर्गमा महिला ग्राहकहरूको संख्या पनि उल्लेख्य छ ।

टियागोले आकर्षक बनावट, समुन्नत कार्यकुशलता र अतुलनीय आरामको सुनिश्चितता गरेको छ । त्यसैले नेपाली ग्राहकहरूले मन मष्तिष्कमा यसको अमेट्य छाप बसेको कम्पनीको दाबी छ ।