०६ असार २०८३, शनिबार
भारतको पश्चिम बंगालमा पञ्चायत चुनावमा हिंसा हुँदा प्रभावित भएका केही स्थानमा आज सोमवार पुनः मतदान हुँदैछ ।
चुनाव आयोगले मतपेटिका लुटपाट भएका र मतदान केन्द्रमा हिंसा भड्किएका केही स्थानमा पुनः मतदानको निर्णय गरेको छ ।
गत शनिवार ७४ हजार पञ्चायतका लागि चुनाव भएको थियो । भारतीय सञ्चारमाध्यमका अनुसार सोमवार १९ जिल्लाका मतदान केन्द्रमा बिहान ७ बजेदेखि साँझ ५ बजेसम्म पुनः मतदान हुनेछ ।
असुरक्षालाई मध्यनजर गर्दै सरकारले प्रदेश प्रहरीसँगै ४ केन्द्रीय सुरक्षा बलका जवानलाई तैनाथ गरेको छ । निर्वाचन केन्द्रीय सुरक्षा निगरानीमा हुुनेछ ।
शनिवारको निर्वाचनमा हिंसा भड्किएपछि भारतीय जनता पार्टी (भाजपा) ले पुनः मतदानको माग गरेको थियो । निर्वाचनका क्रममा ३७ जनाको मृत्यु भएको जनाइएको छ ।
