असार महिनामा १० वटा बैङ्क तथा वित्तीय संस्था मर्जरमा गएका छन् । पाँच वटाको अस्तित्व सकिने भएको छ । 

गत आइतबार अर्थात् असार २४ गते साना किसान विकास लघुवित्त वित्तीय संस्था लिमिटेड  र  आरएमडीसी  लघुवित्त  वित्तीय  संस्था लिमिटेड एकआपसमा गाभिएर ‘साना किसान  विकास  लघुवित्त  वित्तीय  संस्था  लिमिटेड’ को नामबाट एकीकृत कारोबार सुरु गरिसकेका छन् । 

यता  असार  १  गते  शुक्रबारदेखि  डिप्रोक्स लघुवित्त वित्तीय संस्था लिमिटेडले आदर्श  लघुवित्त  वित्तीय  संस्था  लिमिटेडलाई  प्राप्ति  (एक्विजिसन)  गरी  ‘डिप्रोक्स लघुवित्त वित्तीय संस्था लिमिटेड’ को नामबाट एकीकृत कारोबार सुरु भइसकेको छ । 

मर्जरका लागि सम्पूर्ण प्रव्रिmया पूरा गरेका लक्ष्मी  बैङ्क  लिमिटेड  र  सनराइज  बैङ्क  लिमिटेडले शुक्रबारदेखि एकीकृत कारोबार शुरु गर्दै छन् भने नेसनल माइक्रोफाइनान्स लघुवित्त  वित्तीय  संस्था  लिमिटेड  र  समिट  लघुवित्त  वित्तीय  संस्था  लिमिटेडले  पनि  शनिबारदेखि एकीकृत कारोबार सुरु गर्दै छन्  ।

यस्तै  विजय  लघुवित्त  वित्तीय  संस्था  लिमिटेड र नयाँ सारथि लघुवित्त वित्तीय संस्था लिमिटेड  एकआपसमा  गाभिएर  आगामी  आइतबारदेखि एकीकृत कारोबार हुनेभएको खबर गोरखापत्रमा छापिएको छ ।