०१ असार २०८३, सोमबार
५१ ग्राम ७३ मिलिग्राम अवैध सुनसहित विराटनगरबाट एक जना पक्राउ परेका छन् ।
पक्राउ पर्नेमा भारतको कलकत्ता बस्ने २९ वर्षीय सान्तनु मेहिती रहेका छन् । उनलाई मोरङको विराटनगर महानगरपालिका १३ बाट बिहीवार दिउँसो प्रहरीले पक्राउ गरेको हो ।
सीआरभी जतुवाबाट खटिएको प्रहरीले भारतबाट नेपालतर्फ आउँदै गरेका पैदलयात्री मेहितीलाई सुनसहित पक्राउ गरेको हो ।
आवश्यक अनुसन्धान तथा कारवाहीको लागि उनलाई बरामद भएको सुनसहित राजस्व अनुसन्धान कार्यालय इटहरी सुनसरीमा पठाइएको प्रहरीले जनाएको छ ।
