वार्षिक एक सयभन्दा कम श्रमिक वैदेशिक रोजगारमा  पठाउने  वैदेशिक  रोजगार  व्यवसायी  (म्यानपावर) कम्पनी नवीकरण नहुने कानुनी प्रावधान छ । तर सरकारले लगातार तीन वर्षदेखि वैदेशिक रोजगार  ऐनको  बाधा  अड्काउ  फुकाउसम्बन्धी  व्यवस्था प्रयोग गरी वार्षिक एक सय जना श्रमिक पठाउन नसकेका म्यानपावर कम्पनीको इजाजत पनि नवीकरण गर्दै आएको छ । 

मन्त्रीपरिषद्ले वैदेशिक रोजगार ऐन, २०६४ को दफा ८२ बमोजिम बाधा अड्काउ फुकाउ प्रयोग गरी वार्षिक एक सय जना श्रमिक  नपठाएका  इजाजतपत्र  प्राप्त  संस्थाहरू  नवीकरण गर्ने निर्णय गरेको हो ।  विगत दुई आर्थिक वर्षको बिचमा भने कोरोना भाइरसका कारण देखाउँँदै एक सय श्रमिक विदेश पठाउन नसकेका म्यानपावर पनि नवीकरण भएका थिए । चालु आर्थिक वर्षमा अघिल्ला दुुई वर्षको नजिर र नेपाल ऐनमा केही ऐन संशोधनमार्फत एक सय जनाको हदम्याद हटाउने व्यवस्थालाई आधारमानी नवीकरण गरिएको जनाइएको छ । गोरखापत्रमा खबर छ ।