२१ जेठ २०८३, बिहीबार
नेपाल कम्युनिस्ट पार्टी (विप्लव समूह)का महासचिव नेत्रविक्रम चन्द विप्लव धान गोड्दै गरेको अवस्थामा भेटिएका छन् ।
उनी कपिलवस्तुमा आफैँले रोपेको धान गोड्दै गरेको अवस्थामा भेटिएको भिडियो सार्वजनिक भएको छ ।
सामाजिक सञ्जालमा सार्वजनिक भएको भिडियोमा विप्लवसँगै प्रवक्ता खड्गबहादुर विश्वकर्मा प्रकाण्डलगायतका नेता–कार्यकर्ता पनि धान गोडिरहेका देखिन्छन् । सो क्रममा उनीहरूले धान गोडाइसँग सम्बन्धित गफसमेत गरिरहेका छन् । जहाँ उनीहरू सिँचाइ र मलको पनि कुरा गरिरहेका छन् ।
विप्लवलगायतका नेताहरू पार्टी केन्द्रीय समिति बैठकका लागि कपिलवस्तुमा थिए । सोही क्रममा धान गोडिरहेको भेटिएका हुन् । केही समयअघि मात्रै विप्लव समूहको बैठकले खेती किसानी र श्रम गर्ने निर्णय गरेको थियो ।
विप्लवले ललितपुरमा पनि धान खेती गरेका छन् ।
