२८ असार २०८३, आइतबार
वाणिज्य बैंकहरूले ब्याजदर बढाउँदाको असर नेप्सेमा देखिएको छ ।
बैंकहरूले भदौ १ (शुक्रवार)देखि ब्याजदर बढाएका छन् ।
बैंकहरूले बढाएको ब्याजदरको प्रभाव स्वरूप आइतवारको शेयर बजार राताम्मे हुन पुगेको छ । आइतवार नेप्से सूचक २१.९९ अंकले घटेको छ । एकैदिन १.०८ प्रतिशतले घटेर नेप्से सूचक २०११.१४ विन्दुमा झरेको छ ।
बजार घटेका दिन करोबार रकम पनि १ अर्ब ४४ करोड रुपैयाँमा सीमित भएको छ ।
नेप्से घटेको दिन सबैभन्दा बढी असर निर्जीवन बीमा समूहका उपसूचमा परेको छ । यो समूहका लगानीकर्ताले १.५९ प्रतिशतले गुमाएका छन् ।
बजार घटेको दिन बैंकिङ समूहको सूचक ३.६० अंकले, विकास बैंकको सूचक ३५.६० अंकले घटेको छ । आइतवार नेप्सेमा सूचीकृत कुल २६९ कम्पनीको शेयर कारोबार भएको छ । यसबाट ४४ लाख ५९ हजार कित्ता शेयरको ४३ हजार पटक कारोबार भएको छ ।
