३० असार २०८३, मंगलबार
मस्को– युक्रेनी ड्रोनले रुसको कुर्स्क क्षेत्रमा रहेको रेलवे स्टेसनमा आक्रमण गर्दा पाँचजना घाइते भएका छन् ।
कुर्स्कका गभर्नर रोमन स्टारोभोइटले आइतबार दिएको जनाकारीअनुसार ड्रोन रेलवे स्टेसनको छतमा ठोक्किएर छतमा आगो लागेको थियो ।
आक्रमणमा स्टेसनको छत, अग्रभाग र प्लेटफर्ममा क्षति पुगेको छ । आक्रमणपछि भवनमा रहेका सबै ५० यात्रुहरूलाई तुरुन्तै बाहिर निकालिएको गभर्नरले बताएका छन् ।
अघिल्लो दिन मात्र यस किसिमका ड्रोन आक्रमणहरू मस्को र रोस्तोभ क्षेत्रमा रुसी सेनाले इलेक्ट्रोनिक प्रविधि प्रयोग गरेर विफल पारेको बताइएको छ।
