२१ जेठ २०८३, बिहीबार
डिफेन्डिङ ला लिगा च्याम्पियन बार्सिलोनाले नयाँ सिजनमा पहिलो जीत हात पारेको छ । गएराति घरेलु मैदानमा भएको खेलमा बार्सिलोनाले क्याडिजलाई २–० गोलले हराएको हो ।
८२औँ मिनेटमा इल्के गुन्डोगानको पासमा पेड्रीले बार्सालाई अग्रता दिलाएका थिए । त्यसपछि इन्जुरी समयमा रोबर्ट लेवान्डोस्कीको पासमा फेरान टोरेसले गोल गर्दै टोलीको जीत सुनिश्चित गरे ।
बार्सिलोना पहिलो खेलमा गेटाफेसँग बराबरीमा रोकिएको थियो । दुई खेलपछि बार्साको चार अंक पुगेको छ ।
लामाइन यामल १६ वर्ष ३८ दिनको उमेरमा बार्सिलोनाका लागि लिग खेल शुरू गर्ने सबैभन्दा कान्छो खेलाडी बनेका छन् ।
