२७ असार २०८३, शनिबार
नेपाल राष्ट्र बैंकले चालू पुँजी कर्जासम्बन्धी मार्गदर्शन संशोधन गर्दै व्यवसायीलाई राहत प्रदान गरेको छ ।
राष्ट्र बैंकले १ कात्तिक २०७९ बाट चालू पुँजी कर्जासम्बन्धी मार्गदर्शन लागू गरेको थियो । उक्त मार्गदर्शनलाई शुरूमा व्यवसायीको आग्रहमा एक वर्ष पछाडि धकेलिएकोमा राष्ट्र बैंकले अहिले थप एक वर्षको समय दिएको छ ।
समग्रमा व्यवसायीले २ वर्षको समय पाउने निश्चित भएको छ ।
राष्ट्र बैंकले सोमवार एक निर्देशन जारी गर्दै मार्गदर्शन लागू भएको दोस्रो वर्षबाट मात्रै लागू हुने व्यवस्था गरेको छ ।
व्यवसायीले एउटा प्रयोजनमा ऋण लिएर अन्तै लगानी गरेर ऋणको दुरुपयोग भएको आशंका गर्दै त्यसलाई नियन्त्रण गर्न राष्ट्र बैंकले यो मार्गदर्शन ल्याएको थियो ।
राष्ट्र बैंकले मार्गदर्शन लागू भएको पहिलो वर्षका लागि ऋणीले लगातार ७ दिन कुल कर्जा सीमाको ३० प्रतिशतभन्दा कम वक्यौता कायम गर्न सक्ने व्यवस्था गरेको छ ।
दोस्रो वर्षका लागि ऋणीले लगातार ७ दिन कुल कर्जा सीमाको २० प्रतिशतभन्दा कम वक्यौता कायम गर्न सक्ने व्यवस्था गरेको छ ।
