०९ साउन २०८३, शनिबार
कानून न्याय तथा मानवअधिकार समितिको सभापति निर्वाचित गर्ने बैठकको कांग्रेस सभापति एवं संसदीय दलका नेता शेरबहादुर देउवाले अध्यक्षता गरेका छन् ।
समितिको ज्येष्ठ सदस्यका रुपमा देउवाले अध्यक्षता गर्दै गरेको समितिको बैठकमा प्रधानमन्त्री पुष्पकमल दाहाल प्रचण्ड पनि सहभागी छन् ।
साथै संविधानसभाका पूर्व अध्यक्ष, एवं सभामुख सुवास नेम्वाङ, कानूनमन्त्री धनराज गुरुङसहितका सदस्य छन् । यो समितिमा नेकपा (एकीकृत समाजवादी)की विमला सुवेदीको मात्रै सभापतिमा उम्मेदवारी परेको छ ।
संसदीय समितिमा नेपाली कांग्रेस, नेकपा (माओवादी केन्द्र), जनता समाजवादी पार्टी (जसपा), एकीकृत समाजवादी, जनमत पार्टीसहितका सत्तारुढ दल र नेकपा (एमाले)ले सहमतिमा उम्मेदवार उठाएपछि औपचारिकता पूरा गर्ने बैठक सिंहदरबारमा शुरू भएको हो ।
