नेपाल उद्योग वाणिज्य महासंघका अध्यक्ष चन्द्रप्रसाद ढकालले नेपालमा लगानीका लागि विदेशी लगानीकर्ताहरूलाई आग्रह गरेका छन् । नेपाल उद्योग वाणिज्य महासंघ र हङकङ ट्रेड डेभलपमेन्ट काउन्सिललद्धारा संयुक्त रूपमा काठमाडौँमा आयोजित कार्यक्रमलाई सम्बोधन गर्दै उनले नेपालमा लगानी भित्र्याउन र लाभ लिन विदेशी लगानी कर्ताहरूलाई आग्रह गरेका हुन् । 

उनले नेपालमा लगानीका अधिक सम्भावना रहेको भन्दै सबै विदेशी लगानीकर्ताहरूको ध्यान आकर्षित गरे । ‘नेपालमा ऊर्जा, पूर्वाधार निर्माण, पर्यटनलगायत धेरै क्षेत्रमा लगानीका सम्भावनाहरू छन्,' उनले भने, 'यहाँ लगानी गरेर विदेशी लगानीकर्ताहरूले लाभ पनि लिइरहेका छन्, त्यसैले म सबै विदेशी लगानीकर्ता मित्रहरूलाई यसतर्फ आग्रह गर्दछु ।’

अध्यक्ष ढकालले नेपालमा लगानीका सम्भावनाहरूसँगै लगानीको वातावरण पनि रहेको जानकारी गराए । नेपाल दुई ठूला र समृद्ध राष्ट्रको बिचमा रहेकाले लगानी र बजारको पनि त्यति तै अवसर रहेको उनको भनाइ थियो । 

अध्यक्ष ढकालले नेपालको लुम्बिनी र पोखरामा अन्तर्राष्ट्रिय विमानस्थल सञ्चालनमा आइसकेकाले ती विमानस्थलमा चीन र हङकङबाट पर्यटकहरूको आगमनमा पनि उल्लेख्य मात्रामा बृद्धि हुने अपेक्षा गरिएको बताए ।