काठमाडौं, २ असोज– लामो रस्साकस्सी र राजनीतिक विवाद समाधान भएसँगै तेस्रो चरण अन्तर्गत प्रदेन नम्बर दुईमा निर्वाचन सम्पन्न भएको छ ।
तराई केन्द्रीत राजनीतिक दल राजपाले चुनावमा सहभागिता जनाएसँगै दुई नम्बर प्रदेशमा निर्वाचन सम्भव भएको हो ।
प्रदेश नम्बर दुईका १३६ स्थानीय तह अन्तर्गत २ हजार १ सय ६६ मतदान स्थलमा तीन हजार ५७८ मतदान केन्द्र रहेका थिए । मतदान कार्यमा सरक्षाकर्मीबाहेक ३१ हजार पाँच सय जना कर्मचारी परिचालन भएका थिए ।
विहान ७ बजे शुरु भएको निर्वाचन ५ बजे सकिएको र निर्वाचनमा उल्लासजनक सहभागिता रहृेको निर्वाचन आयोगले जनाएको छ ।
आज दिन भर के के भए त ?६ गुणा बढी उम्मेदवार प्रतिस्पर्धामाएक महानगरपालिका, ३ उपमहानगरपालिका ७३ नगरपालिका र ५९ गाउँपालिकामा गरि १३६ वटा स्थानीय तहमा निर्वाचन भएको हो । त्यहाँ २६ लाख ६४ हजार ९५० मतलाले मताधिकार पाएका थिए । निर्वाचनबाट ६ हजार ६ सय २६ जना प्रतिनिधि निर्वाचित हुनेछन् । जसको फैसला बन्द बाकसमा रहेको छ ।
मतदाता परिचय पत्र नभएपनि मतदाननिर्वाचन आयोगले मतदाता परिचय पत्र नभएको खण्डमा पनि लाइसेन्स, लालपूर्जा वा सरकारी कागजपत्र, नागरिकताको आधारमा पनि मतदानको व्यवस्था गरिएको थियो ।
माधव नेपालको मतपत्रदुई नम्बर प्रदेश अन्तर्गत आज विहान ७ बजेबाट शुरु भएको निर्वाचनमा मतदान गर्न पुगनेका नेकपा एमालेका नेता माधव कुमार नेपाल दिनभर चर्चामा रहे । उनले मतपत्र पट्याएको विषयलाई लिएर दिनभर जसो सामाजिक सञ्चालमा चर्चा भयो ।
धेरैले नेताहरुले नै निर्वाचन शिक्षा सिक्नु पर्ने वताएका थिए । माधव नेपालले मतपत्र पट्याउँदा चुनाव चिह्न देखिने गरि पट्याएका थिए । जसलाई निर्वाचन आयोगको मतदाता शिक्षाले गलत बताउँदै आएको छ ।
नक्कली मतदाता पक्राउतेस्रो चरणको स्थानीय तह निर्वाचनमा सप्तरीको शम्भुनाथ नगरपालिकाबाट एक नक्कली मतदाता पक्राउ परेका छन् । पक्राउ पर्नेमा सोही ठाउँका १९ वर्षीय सञ्जय चौधरी रहेको प्रहरी उपरीक्षक मुकेशकुमार सिंहले जानकारी दिए ।
सञ्जयले दुर्गानन्द चौधरीको नामबाट मतदान गर्न नक्कली मतदाता बनेर आएको निर्वाचनमा खटिएका पधाधिकारीले फेला पारेपछि त्यहाँ खटिएका सुरक्षाकर्मीले उनलाई पक्राउ गरेको हो ।
मतदान गरेर घर फर्किंदै गर्दा मृत्युचुनावमा मतदान गरेर घर फर्किरहेको अवस्थामा एकजनाको बीचबाटोमै मृत्यु भएको छ । धनुषाको बटेश्वर गाउँँपालिकामा मतदान गरेर घर फर्किरहेका बटेश्वर गाउँपालिका–१ का अन्दाजी ५५ वर्षीय योगेन्द्र सिंहको मृत्यु भएको छ । स्थानीय मतदान केन्द्रमा मतदान गरेर घर फर्किने क्रममा उनको मृत्यु भएको राजपा नेपालका विद्यार्थी नेता प्रदीप मण्डलले जानकारी दिए ।
सर्लाहीमा ११६ वर्षीयद्वारा मतदानसर्लाही जिल्लाको हर्कटवा जनता आधारभूत माध्यमिक मतदान केन्द्रमा ११६ वर्षीय भैरवबहादुर दमाईंले मतदान गरेका छन् ।
एकसय तीन वर्षीया वृद्धाद्वारा मतदाननिर्वाचनमा सप्तरीमा १०३ वर्षीया वृद्धाले मतदान गरेकी छिन् । राजविराज नगरपालिका वडा नं ७ निवासी सोमानीदेवी जोशीले जिल्ला खेलकुद विकास समिति मतदान केन्द्रबाट मतदान गर्नुभएको ज्येष्ठ नागरिक जिल्ला संघका अध्यक्ष एवं वरिष्ठ पत्रकार शिवहरिप्रसाद भट्टराईले जानकारी दिए ।
सप्तरीमा राजपा र राप्रपाका कार्यकर्ताबीच झडपहनुमाननगर कंकालनी नगरपालिका– ९ स्थित मतदान केन्द्रमा दुई पक्षको झडपले त्यहाँको स्थिति तनावग्रस्त बनेको थियाृ ।
राष्ट्रिय जनता पार्टी राजपा नेपाल र राष्ट्रिय प्रजातन्त्र पार्टी नेपालका कार्यकर्ता र उम्मेदवारबीच मतदान गर्ने विषयमा विवाद हुँदा त्यहाँको अवस्था तनाव रहेको थियो । पछि सहमतिमा मतदान शुरु भयो ।
र,रौतहटमा गाली चल्यो
रौतहटको मौलापुर नगरपालिका ३ मा माओवादी केन्द्र र संघीय समाजवादी फोरमका कार्यकर्ताबीच झडप भएको छ । त्यसक्रममा प्रहरीले हवाइ फायर गरेको छ ।
प्रावि गम्हरिया पतौरा मतदान केन्द्र माओवादीले गैर मतदानतनलाई एजेन्टका रुपमा प्रवेश गराएको भन्दै फोरमका कार्यकर्ताले विरोध जनाएपछि विवाद भएको थियो । त्यसक्रममा भएको झडपमा दुवै तर्फका केही कार्यकर्ता घाइते भएका छन् । झडप नियन्त्रणमा लिने क्रममा प्रहरीले एक राउण्ड हवाई फायर समेत गरेको छ ।
