एसिया कप क्रिकेटअन्तर्गत नेपालविरुद्धको जारी खेलमा पाकिस्तानका कप्तान बाबर आजमले शतक बनाएका छन् ।

१०९ बलमा उनले शतक हानेका हुन् । पाकिस्तानको ब्याटिङ उत्कृष्ट नभइरहेका बेला आजमले कप्तानी पारी मात्र खेलेका छैनन्, पाकिस्तानलाई बलियो स्थितिमा पनि पुर्याएका छन् ।

उनले १० चौका प्रहार गर्दै शतक पूरा गरेका हुन् । उनी १०२ रन बनाएर अहिले खेलिरहेका छन् ।

४२ ओभरको खेल सकिँदा पाकिस्तानले ४ विकेटको क्षतिमा २२८ रन बनाएको छ ।