दुई वर्षअघि तीजको छेकोमा सार्वजनिक गीत ‘कुरा बुझ्न पर्च’ निकै रुचाइयो । 

यसपटक सोही गीतको दोस्रो भाग सार्वजनिक हुने भएको छ । 

सर्जक एवं गायक प्रकाश सपूत ‘कुरा बुझ्न पर्च २’ सार्वजनिक गर्ने अन्तिम तयारीमा जुटेका छन् । 

उनले गीतको बोल राखेका छन् – जाले रुमाल फाट्यो । यो उनको तीज विशेष गीत हो । 

प्रकाशले बुधवार गीतको पोस्टर सार्वजनिक गर्दै यसबारे जानकारी दिएका हुन् । 

सार्वजनिक पोष्टरमा अभिनेत्री स्वस्तिमा खड्का र आँचल शर्मा प्रस्तुत छन् । यसअघि ‘कुरा बुझ्न पर्च’ मा पनि उनीहरू नै थिए । 

गीतमा समीक्षा अधिकारीले स्वर दिएकी छन् । 

 गीत कहिले सार्वजनिक हुनेबारे भने प्रकाशले खुलाएका छैनन् ।