चिकित्सा शिक्षा आयोगको उपाध्यक्षमा अञ्जनीकुमार झा नियुक्त

सरकारले चिकित्सा शिक्षा आयोगको उपाध्यक्ष पदमा प्रा डा अञ्जनीकुमार झालाई नियुक्त गर्ने निर्णय गरेको छ । 

बिहीबार बसेको मन्त्रिपरिषद् बैठकले सो निर्णय गरेको हो । चिकित्सा शिक्षा आयोगको उपाध्यक्षका लागि कृष्ण गिरीसहित ९ जना सर्टलिस्टमा परेका थिए । जसमा झालाई नियुक्त गर्ने सरकारले निर्णय गरेको हो । 

बैठकले निजामति सेवाका ४० जना कर्मचारीलाई पुरस्कृत गर्ने, स्वास्थ्य क्षेत्रको लैंगिक समानता तथा सामाजिक समावेशीकरण रणनीति, २०८० स्वीकृत गर्नेलगायतका विषय पनि गरेको एक मन्त्रीले जानकारी दिए ।