२३ जेठ २०८३, शनिबार
नेपाली कांग्रेसका नेता स्व. प्रदीप गिरीको पूर्ण कदको प्रतिमा सिरहाको लहान नगरपालिका–१४ स्थित गिरीको आश्रममा अनावरण गरिने भएको छ ।
उनको प्रथम वार्षिकोत्सवका अवसरमा आज एक समारोहबीच प्रधानमन्त्री पुष्पकमल दाहाल ‘प्रचण्ड’ले उक्त प्रतिमाको अनावरण गर्ने आयोजकले जनाएको छ ।
ट्रष्टका अध्यक्ष भारती सिलवाल गिरीले दिएको जानकारीअनुसार प्रधानमन्त्री प्रचण्ड दिउँसो हेलिकप्टरबाट आउने कार्यक्रम छ ।
लहान–१४ खुट्टी खोलाको छेउमा स्व. नेता गिरी विसं २०४६ सालपछि बस्दै आएका थिए । उक्त ठाउँलाई गिरीको आश्रम भनेर चिनिन्छ । उनी यस क्षेत्रका पूर्वसांसद पनि थिए । विसं २०७४ मा उनी निर्वाचित भएका थिए ।
नेपाली राजनीतिक वृत्तमा एक सरल र बौद्धिक नेताका रुपमा उनी चिनिन्छन् ।
गिरीको एक वर्ष पहिले काठमाडौंको मेडिसिटी हस्पिटलमा क्यान्सर सङ्क्रमणले उपचारका क्रममा निधन भएको थियो ।
