धनुषा, ४ असोज - नेपाली कांग्रेसका नेता विमलेन्द्र निधिको नगरपालिका नगराइनमा एमाले हावी देखिएको छ । धनुषाको नगराइन वडा नम्बर १ को वडाअध्यक्षमा एमालेका प्रमोद शाहले चुनाव जितेका छन् ।
निधि वडा नम्बर दुईका स्थानीय हुन् । वडा नम्बर दुईमा चाहिँ कांग्रेस उम्मेदवार देवलाल यादव झिनो मतले अघि छन् । त्यस्तै नगरपालिकाको उप मेयरमा एमाले उम्मेदवार २ सय ५० मते अघि लागेकी छन् । कांग्रेसका मेयर उम्मेदवारले चाहिँ जम्मा ६ मतले अग्रता कायम गरेका छन् ।
