२८ जेठ २०८३, बिहीबार
रोजगारीका लागि भारत गएका कैलालीका एक जना १७ वर्षदेखि बेपत्ता भएका छन् । जिल्लाको चुरे गाउँपालिका-६ ओखलढुंगाका वीरबहादुर सिंह १७ वर्षदेखि घरपरिवारको सम्पर्कमा आएका छैनन् ।
कमाउन परदेश गएका सिंह वर्षौंदेखि सम्पर्कमा नआएपछि परिवारजनले उनको खोजीका लागि पहल गरिदिन आग्रह गरेका छन् ।
२०६३ सालमा सिंह रोजगारीका लागि भारतको मुम्बई गएका थिए । ‘मुम्बईमा केही वर्ष बसेर कालापहाड भन्ने ठाउँमा गएको खबर पाएका थियौँ । तर उहाँ अहिलेसम्म पनि परिवारको सम्पर्कमा आउनुभएको छैन’, सिंहका भाञ्जा प्रेम देउवाले भने ।
उनले सिंहका बारेमा कुनै जानकारी भए खबर गरिदिन आग्रह गरे । ‘कोही कसैले कतै देख्नुभयो भने नजिकैको प्रहरी कार्यालयमा वा ९८६७४०८८७७ र ९८६४३१६८०२ नम्बरमा खबर गरिदिन हार्दिक अनुरोध गर्दछौँ, देउवाले भने ।
