गैँडाको खाग चोरी गर्ने एक व्यक्ति २५ वर्षपछि समातिएका छन् । उनलाई नेपाल प्रहरीको केन्द्रीय अनुसन्धान ब्युरो (सीआईबी)ले आइतवार समातेको हो । 

समातिनेमा चितवन कालिका नगरपालिका–२ का ४४ वर्षीय यमबहादुर बानियाँ रहेको सीआईबीका प्रवक्ता एसपी नवराज अधिकारीले जानकारी दिए ।

उनका अनुसार बानियाँलाई भरतपुर महानरपालिका–१० चौबीसकोटीबाट समातिएको हो ।

बानियाँले ०५५ साल कार्तिक २८ गते चितवन राष्ट्रिय निकुञ्जको क्षेत्रको एक खाल्डोमा गैँडालाई पारेर खाग चोरी गरेका थिए ।

उनलाई जिल्ला अदालत, चितवनले ०५७ माघ २५ गते १० वर्ष कैद सजाय र एक लाख जरिवाना गरेको थियो । तर, उनी पक्राउ पर्न सकेका थिएनन् ।