२७ असार २०८३, शनिबार
नेकपा (एमाले) बागमती प्रदेशको नयाँ नेतृत्वका लागि भएको निर्वाचनको नतिजा एक–दुई घण्टापछि आउने प्रमुख निर्वाचन अधिकृत डिल्ली मैनालीले बताएका छन् ।
निर्वाचन सकिएपछि उनले यस्तो जानकारी दिएका हुन् ।
‘नतिजा सबैको एकैपटक आउँछ । अब दुई घण्टा लाग्छ,’ उनले भने ।
शुक्रवार करिब ८ः४५ बजे निर्वाचन सकिएको हो ।
एक हजार १६७ मतमध्ये एक हजार १३३ मत खसेको प्रमुख निर्वाचन अधिकृत मैनालीले जानकारी दिए । ३२ जना मतदाता भने अनुपस्थित रहेका थिए ।
अध्यक्षमा कृष्णप्रसाद दाहाल र कैलाश ढुंगेलबीच प्रतिस्पर्धा भइरहेको छ । पदाधिकारीका उपाध्यक्ष, सचिव र उपसचिवमा पनि प्यानल बनाएरै दुवै समूह प्रतिस्पर्धामा उत्रिएका छन् ।
