२२ जेठ २०८३, शुक्रबार
पाकिस्तानलाई फराकिलो अन्तरले हराउँदै भारतले साफ यू–१९ फूटबल प्रतियोगिताको उपाधि जितेको छ ।
शुक्रवार साँझ दशरथ रंगशालामा भएको फाइनलमा पाकिस्तानलाई ३–० को फराकिलो गोल अन्तरले हराउँदै भारतले उपाधि जितेको हो ।
खेलको पहिलो हाफ बराबरीमा सकिएको थियो । दोस्रो हाफमा भारतले आक्रमण तीव्र बनायो । ६४ औं मिनेटमा किपगेनले १ गोलको अग्रता दिलाए । त्यसपछि पनि भारत रोकिएन । लगातारजसो २ गोल गर्न पुग्यो । किपगेनले नै दोस्रो गोल गरेका हुन् । त्यसपछि तेस्रो गोल ग्वग्मसर गोयरेले थपे ।
भारतले तेस्रो पटक उपाधि जितेको हो ।
प्रतियोगितामा आयोजक नेपाल र भुटान सेमिफाइनलबाट बाहिरिएका थिए । नेपाल भारतसँग पेनाल्टी सुटआउटमा पराजित भएको थियो ।
