१२ साउन २०८३, मंगलबार
ओएसआर डिजिटलका सञ्चालक ओमप्रकाश अग्रवाल पक्राउ परेका छन् ।
उनलाई जिल्ला प्रहरी परिसर काठमाडौंको टोलीले पक्राउ गरेको हो । चलचित्र ‘प्रसाद २’को विवादमा उनलाई पक्राउ गरिएको प्रहरीले जनाएको छ ।
चलचित्र डिजिटल राइटको विवादमा ‘प्रसाद २’ का निर्माता सुदर्शन बस्नेतले उजुरी दिएपछि अग्रवाल पक्राउ परेका हुन् ।
निर्माता बस्नेतले चलचित्र प्रसाद २ आफ्नो मन्जुरीविना नै अग्रवाल, सुदर्शन थापा र मिलन श्रेष्ठले स्वदेश तथा विदेशमा प्रशारण गरी आफूलाई १ करोड ५० लाख रुपैयाँ आर्थिक नोक्सानी पुर्याएको जाहेरीमा दाबी गरेका छन् ।
तीनै जना उपर ठगी, आपराधिक विश्वासघात तथा आपराधिक लाभ अन्तर्गत कारवाही गर्न उनले माग गरेका छन् ।
थप अनुसन्धान भइरहेको प्रहरीले जनाएको छ ।
