२३ जेठ २०८३, शनिबार
संयुक्त राष्ट्रसंघका महासचिव एन्टेनियो गुटेरेसको तय भएको नेपाल भ्रमण रद्द भएको छ । परराष्ट्र मन्त्रालयकी प्रवक्ता सेवा लम्सालले महासचिवको तय भएको भ्रमण अन्तिम समयमा रद्द भएको पुष्टि गरिन् ।
असोज २६ गतेदेखि २९ गतेसम्म उनले नेपाल भ्रमण गर्ने बताइएपनि इजरायल–प्यालेस्टान युद्धका कारण उत्पन्न असहज परिस्थितिका कारण भ्रमण रद्द भएको बताइएको छ । मन्त्रालयले छिट्टै उपयुक्त समयमा महासचिवको भ्रमण गराउने पहल भइरहेको बताएको छ ।
नेपाल भ्रमणका क्रममा एन्टेनियो गुटेरेसले लुम्बिनीलगायतका स्थलको भ्रमण समेत गर्ने बताइएको थियो ।
इजरायल–प्यालेस्टान युद्धका कारण कयौँ मानिसको ज्यान गएको छ । शनिबार भएको सो घटनामा १० नेपालीको समेत ज्यान गएको पुष्टि भइसकेको छ ।
