०२ साउन २०८३, शनिबार
नेपाल पे इन्स्ट्यान्टमार्फत निःशुल्क फण्ड ट्रान्स्फर गर्न सकिने भएको छ । नेपालीहरूको महान पर्व दशैं तथा तिहारको अवसरमा यस्तो अफर सार्वजनिक गरिएको हो ।
यस अफर अन्तर्गत बैंक, वित्तीय संस्था तथा भुक्तानी सेवा प्रदायकका ग्राहकहरूले कात्तिक १ देखि ३० गतेसम्म नेपाल पे इन्स्ट्यान्टमार्फत निःशुल्क फण्ड ट्रान्स्फर गर्न सक्नेछन् ।
नेपाल पे इन्स्ट्यान्टमार्फत ग्राहकहरूले बैंक/वित्तीय संस्था, भुक्तानी सेवा प्रदायक वा कनेक्ट आईपीएसमा लाभग्राहीको रजिष्टर्ड मोबाइल नम्बरको आधारमा फण्ड ट्रान्स्फर गर्न सकिने कम्पनीले जनाएको छ ।
हाल नेपाल पे इन्स्ट्यान्टको सुविधा कनेक्ट आईपीएस, बैंकका मोबाइल बैंकिङ एपहरू तथा सेल पे, हाम्रो पे र मोरू लगायतका वालेटहरूमा उपलब्ध रहेको छ ।
