इजरायलमा प्यालेस्टाइनी विद्रोही समूह हमासको आक्रमणमा ज्यान गुमाएका नेपाली विद्यार्थीको शव आज (शनिबार) नेपाल ल्याइँदै छ । हमास समूहको आक्रमणमा ज्यान गुमाएका १० मध्ये ४ जना नेपाली विद्यार्थीको शव आज नेपाल ल्याउन लागिएको हो । 

इजरायलस्थित नेपाली दूतावासले ४ जना विद्यार्थीको शव स्थानीय समयअनुसार शनिबार दिउँसो फ्लाई दुवईको उडानबाट नेपाल पठाउन लागिएको जानकारी दिएको छ । उक्त शव दुबई ट्रान्जिट हुँदै नेपाल आइपुग्नेछ ।

अन्य शवको भने पहिचानको काम भइरहेको दूतावासले जनाएको छ। 

हमासको आक्रमणमा १० नेपालीको मृत्यु भएको थियो । एक जना भने सम्पर्कविहीन छन् ।