भारतमा जारी एकदिवसीय क्रिकेट विश्वकप प्रतियोगितामा अष्ट्रेलियाले न्युजिल्यान्डलाई ३८९ रनको विशाल लक्ष्य दिएको छ ।

धर्मशालामा टस हारेर ब्याटिङको निम्तो पाएको अष्ट्रेलियाले ४९.२ ओभरमा सबै विकेट गुमाएर ३८८ रन बनायो ।
अष्ट्रेलियाका लागि ट्राभिस हेडले शतक प्रहार गरे । उनले ५८ बलमा १०० रन बनाएका हुन् । यस क्रममा उनले ६ छक्का र १० चौका प्रहार गरेका थिए । हेड सर्वाधिक १०९ रन बनाउँदै आउट भए ।  

न्युजिल्याण्डविरुद्ध आक्रामक शुरूआत गरेका गरेको अष्ट्रेलियाका लागि डेभिड वार्नर ८१ रन बनाएर आउट भएका थिए । 
यस्तै ग्लेन म्याक्सवेलले ४१ रन जोडे ।

न्युजिल्यान्डका ग्लेन फिलिप्स र ट्रेन्ट बोल्टले सर्वाधिक ३–३ विकेट लिए ।